وه‌زاره‌تی دارایی عێراق ره‌زامه‌ندی له‌سه‌ر خه‌رجكردنی موچه‌ی مانگی 10ی ئه‌مساڵ ده‌دات

وه‌زاره‌تی دارایی عێراق ئه‌مڕۆ سێشەممە دەستپێکردنی دابینکردنی بودجە بۆ موچەی فەرمانبەران بۆ مانگی (تشرینی یەکەم/10)ی ئەمساڵی راگەیاند.

وه‌زاره‌تی دارایی عێراق لە راگەیەندراوێکدا باسی له‌وه‌كردوه‌، بەڕێوەبەرایەتی ژمێریاری لە وەزارەتی دارایی دەستیکردوە بە رێکارەکانی دابینکردنی پاره‌ بۆ موچەی فەرمانبەران بۆ مانگی (تشرینی یەکەم/10)ی 2023، دوای تەواوکردنی سەرجەم رێکارەکانی پەیوەست بە پڕۆسەی ڕێکخستنی خەرجکردنەکە، پاره‌كه‌ ره‌وانه‌ی بانكه‌كان ده‌كرێت.

داوای لە هەمو یەکەکانی خەرجکردن کردوە پێداچونەوە بە لیستی موچەی فەرمانبەرەکانیاندا بکەن

وەزارەتەکە داوای لە هەمو یەکەکانی خەرجکردن لە وەزارەتەکان و پارێزگارەکان و لایەنە پەیوەندیدارەکان کردوە پێداچونەوە بە لیستی موچەی فەرمانبەرەکانیاندا بکەن.

تائێستا فه‌رمانبه‌رانی هه‌رێم موچه‌ی مانگه‌كانی 8 و 9یان وەرنەگرتوە

وه‌رگرتنی موچه‌ی مانگی 10 له‌ پارێزگاكانی عێراق له‌كاتێكدایه‌ تائێستا فه‌رمانبه‌رانی هه‌رێمی كوردستان موچه‌ی مانگه‌كانی (ئاب/8) و (ئه‌یلول/9)یان وه‌رنه‌گرتوه‌، به‌هۆی دواكه‌وتنی موچه‌شه‌وه‌ له‌ پارێزگاكانی سلێمانی و هه‌ڵه‌بجه‌ مامۆستایان بایكۆتیان كردوه‌ و هێشتا پڕۆسه‌ی خوێندن ده‌ستیپێنه‌كردوه‌.

به‌های دراوه‌ بیانیه‌كان له‌ هه‌رێمی كوردستان

ئه‌مڕۆ سێشه‌ممه‌ به‌های دۆلاری ئه‌مریكی به‌رامبه‌ر به‌دیناری عێراقی له‌ بازاڕه‌كانی هه‌رێمی كوردستان گۆڕانكاری به‌سه‌رهات و 100 دۆلار به‌رامبه‌ره‌ به‌ 159 هه‌زار و 400 دینار، تمه‌نی ئێرانیش له‌ نزمترین ئاستدایه‌ و 100 دۆلار به‌رامبه‌ره‌ به‌ پێنج ملیۆن و 40 هه‌زار تمه‌ن.

نرخی دراوەکانی ئەمڕۆ لە بازاڕەکانی هەرێم

‎نرخی دۆلار بەرامبەر دینار

$100=159,400

نرخی تمەن بەرامبەر دۆلار

$100=5,040,000

نرخی لیرەی تورکی بەرامبەر دۆلار

2,670=100$

‎نرخی یۆرۆ بەرامبەر دینار

166,250=€100

‎نرخی پاوەن بەرامبەر دینار

191,500=£100

‎نرخی یۆرۆ بەرامبەر دۆلار

€100=104,050$

‎نرخی پاوەن بەرامبەر دۆلار

£100=120$